«Լիվերպուլի» կենտրոնական պաշտպան Ջարել Քուանսահը երկարաձգել է պայմանագիրը թիմի հետ։ Այս մասին հայտնում է ակումբի պաշտոնական կայքը։ Գործարքի մանրամասները չեն նշվում։
Ֆուտբոլիստը «Լիվերպուլի» սան է, ով հիմնական թիմում է հանդես գալիս 2023 թվականից։
Ընդհանուր առմամբ, Քուանսահը թիմի կազմում անցկացրել է 35 հանդիպում՝ դառնալով երեք գոլի և երեք գոլային փոխանցման հեղինակ։
Transfermarkt-ը ֆուտբոլիստի արժեքը գնահատում է 22 մլն եվրո։
Յոթ տուրից հետո «Լիվերպուլը» 18 միավորով գլխավորում է Պրեմիեր Լիգայի մրցաշարային աղյուսակը։