«Մոնակոյի» կիսապաշտպան Ալեքսանդր Գոլովինը պատմել է, թե ինչպես է ֆրանսիական ակումբն արձագանքել իր՝ ազգային հավաքականից հրավեր ստանալու փաստին։
«Սկզբում նրանք չհասկացան, քանի որ դեռևս պարզ չէ, թե երբ և ում դեմ կկայանա ընկերական հանդիպումը, սակայն նրանք նորմալ արձագանքեցին։ Ամեն դեպքում խոսքը ազգային թիմի մասին է: Բաց թողնելու հետ կապված խնդիրներ չեն եղել: Իհարկե, միշտ ցանկություն կա խաղալ ինչ-որ թիմի հետ, հատկապես ուժեղ, բայց ամեն դեպքում, ոչ մի բացասական բան չեմ տեսնում հավաքականից հրավեր ստանալու մեջ», – Գոլովինի խոսքերն է մեջբերում Match TV-ը։
Ավելի վաղ հայտնի էր դարձել, որ չի չեղարկվի Ռուսաստանի հավաքականի` հոկտեմբերյան ուսումնամարզական հավաքը, նույնիսկ եթե ընկերական հանդիպման համար մրցակից չգտնվի։ Այս մասին հայտարարել է ՌՖՄ գլխավոր քարտուղար Մաքսիմ Միտրոֆանովը։
Հիշեցնենք, որ 2022 թվականի փետրվարից Ռուսաստանի բոլոր հավաքականներն ու ներքին թիմերը ՖԻՖԱ-ի և ՈւԵՖԱ-ի որոշմամբ հեռացվել են միջազգային մրցաշարերից։
