«Մանչեսթեր Սիթիի» բանակցությունները թիմի հարձակվող Էրլինգ Հոլանդի հետ պայմանագրի երկարաձգման շուրջ փակուղի են մտել։ Այս մասին հայտնում է TEAMtalk-ը։
Ըստ աղբյուրի՝ կողմերը չեն կարողանում պայմանավորվել նորվեգացի ֆուտբոլիստի պայմանագրում փոխհատուցման չափի շուրջ։ Հոլանդը ցանկանում է, որ նոր պայմանագրի ազատման կետը կազմի 100 միլիոն ֆունտ:
Անգլիական թիմի ղեկավարությունը այս գումարը չափազանց փոքր է համարում։
Նշվում է, որ կողմերի միջև բանակցությունները կշարունակվեն առաջիկա շաբաթներին։
24-ամյա Հոլանդի պայմանագիրը «Մանչեսթեր Սիթիի» հետ ավարտվում է 2027 թվականի ամռանը։