Արգենտինայի հավաքականի մամուլի ծառայությունը հրապարակել է հավաքականի հայտացուցակը հոկտեմբերյան ուսումնամարզական հավաքի համար։
Հայտացուցակում ընդգրկվել է «Ինտեր Մայամիի» 37-ամյա հարձակվող Լիոնել Մեսսին։
Ազգային հավաքականի հիմնական դարպասապահ Էմիլիանո Մարտինեսը որակազրկման պատճառով չի ընդգրկվել հայտացուցակում։
Հոկտեմբերի 11-ի գիշերը Արգենտինան կմրցի Վենեսուելայի հետ, իսկ հինգ օր անց կհանդիպի Բոլիվիայի հետ։ Երկու խաղերն էլ կանցկացվեն ԱԱ-2026-ի ընտրական փուլի շրջանակներում։
