«Ատլետիկոն» պաշտոնական կայքում հայտարարություն է հրապարակել Մադրիդի «Ռեալի» հետ Լա Լիգայի 8-րդ տուրի խաղի (1:1) դադարեցման մասին։
Երկրորդ խաղակեսում միջադեպ տեղի ունեցավ, որի պատճառով մրցավարը դադարեցրեց խաղը։ Մադրիդի «Ատլետիկոյի» երկրպագուները տարբեր առարկաներ են նետել Մադրիդի «Ռեալի» դարպասապահ Տիբո Կուրտուայի տուգանային հրապարակ։
Մադրիդի «Ատլետիկոն» ցանկանում է իր դժգոհությունն արտահայտել այն բանից հետո, երբ «Ռեալի» դեմ խաղի 68-րդ րոպեին իրեր են նետվել հարավային տրիբունաներից մեկից։ Այս դեպքից ի վեր ակումբի անվտանգության բաժինը աշխատում է ոստիկանության հետ՝ պարզելու մասնակիցների գտնվելու վայրը, որոնցից մեկի ինքնությունն արդեն պարզվել է։
«Նման միջադեպերը տեղ չունեն ֆուտբոլում և արատավորում են մարզադաշտի իմիջը, որը տպավորիչ մթնոլորտ է ապրել իր տրիբունաներում ավելի քան 70000 հանդիսականներով և որը ճնշող մեծամասնությամբ ցուցադրել է օրինակելի վարքագիծ»,- ասվում է հայտարարության մեջ։
