Մադրիդի «Ատլետիկոյի» երկրպագուները մտադիր են Մադրիդի «Ռեալի» հետ դերբիին գալ միանգամյա օգտագործման դիմակներով՝ վիրավորելու «Լոս Բլանկոսի» վինգեր Վինիսիուս Ժունիորին։ Այս մասին հայտնում է իսպանական OK Diario հրատարակությունը։
Աղբյուրի համաձայն, «Ատլետիկո ուլտրասը» արշավ է կազմակերպել սոցիալական ցանցերում՝ կոչ անելով մյուս երկրպագուներին դիմակներ կրել՝ դեմքերը թաքցնելու և նույնականացումից խուսափելու համար՝ նպատակ ունենալով վիրավորել բրազիլացուն։
Հաղորդվում է, որ այս երկրպագուներից ոմանք ռասիստական հաղորդագրություններ են տարածում Վինիսիուսի հասցեին, ով Իսպանիայում բազմաթիվ առիթներով նման պահվածքի է արժանացել:
Լա Լիգայի 8-րդ տուրի շրջանակներում «Ատլետիկո» – «Ռեալ Մադրիդ» հանդիպումը կկայանա սեպտեմբերի 29-ին Երևանի ժամանակով 23:00-ին «Սիվիտաս Մետրոպոլիտանո» մարզադաշտում:
