«Ինտեր Մայամիի» համասեփականատեր Դեյվիդ Բեքհեմը խոսել է արգենտինացի հարձակվող Լիոնել Մեսսիի տրանսֆերի մասին:
«Նա միայն ուզում էր գտնել մի վայր, որտեղ իր ընտանիքը կարող էր տեղափոխվել հիանալի կյանք վայելելու համար: Սա իրոք կարևոր էր նրա համար։ Ես նկատի ունեմ, որ առաջին իսկ օրվանից, այն պահից, երբ նա առաջին անգամ հայտնվեց Մայամիում, դա երազանք էր, անկեղծ ասած:
Կարելի է ասել, որ մենք պայմանագիր ենք կնքել երբևէ ֆուտբոլ խաղացած մեծագույնի հետ։ Յուրաքանչյուր ոք ունի իր կարծիքն այն մասին, թե ով է պատմության լավագույն ֆուտբոլիստը, լինի դա Դիեգո Մարադոնան, Պելեն, թե մեկ այլ մեծ ֆուտբոլիստ: Բայց ասել, որ մենք ունենք MLS-ում հանդես եկող մեծագույն ֆուտբոլիստ՝ Մայամիում, պարզապես երազանք է, գիտե՞ք:
Եթե ես գամ ամբողջ ամառ, և այս ամառ ես այստեղ էի չորս շաբաթով, ապա ամեն օր կդիտեմ մարզումները, քանի որ չեմ կարող հավատալ, որ մենք ունենք Լեո: Երկրորդ, ես պարզապես ուզում եմ հետևել, թե ինչ է նա անում։ Սա մեզ համար յուրահատուկ բան է»,- Բեքհեմի խոսքերն է մեջբերում Goal-ը:
