«Ասթոն Վիլայի» հարձակվող Ջոն Դյուրանը փոխարինման դուրս գալուց պարբերաբար գոլի հեղինակ է դառնում:
«Վուլվերհեմփթոնի» հետ խաղում (3:1) 20-ամյա ֆուտբոլիստը փոխարինման դուրս եկավ 62-րդ րոպեին, իսկ վերջում վերջնական արդյունքը գրանցեց ցուցատախտակին։ Դյուրանը ոչ մի խաղ մեկնարկային կազմից չի սկսել, բայց Պրեմիեր Լիգայի ընթացիկ առաջնությունում 5 խաղում կարողացել է 4 գոլ խփել։
Ընդհանուր առմամբ՝ երիտասարդ կոլումբիացին Պրեմիեր Լիգայում 719 խաղային րոպեների ընթացքում ունի 9 գոլ՝ նա միջինը խփում է յուրաքանչյուր 80 րոպեն մեկ: Առաջնության բոլոր ֆուտբոլիստներից, ովքեր առնվազն երկու գոլ են խփել, միայն «Մանչեսթեր Սիթիի» ֆուտբոլիստ Էրլինգ Հոլանդն ունի էլ ավելի տպավորիչ ցուցանիշ՝ 79 րոպե:
