«Վիլյառեալի» գլխավոր մարզիչ Մարսելինո Գարսիա Տորալը կարծում է, որ ինքը երբեք հնարավորություն չի ստանա մարզել Իսպանիայի երեք մեծ ակումբներից որևէ մեկ: Վերջին տասնամյակում մասնագետը լավ է հանդես եկել «Վալենսիայում», «Աթլետիկում» և «Վիլյառեալում»:
«Կարծում եմ, որ բավականաչափ կարողություններ և փորձ ունեմ այս երեք թիմերից որևէ մեկին մարզելու համար: Բայց իրականությունն այն է, որ այս հանգամանքը դժվար իրագործելի է։ Դուք պետք է ճիշտ ժամանակին լինեք ճիշտ տեղում: Եվ ես չգիտեմ, թե արդյոք դա տեղի կունենա: Բայց իմ մասնագիտական կարիերայի այս փուլում և իմ տարիքում դա ինձ նույնպես չի անհանգստացնում։
Մադրիդի «Ռեալը» և «Բարսելոնան» երկու ակուբներ են, որոնք փնտրում են ավելի շատ կոչումներ ունեցող մարզիչներ կամ այդ թիմերի նախկին ֆուտբոլիստներ: Իհարկե, այս երկու հանգամանքներից և ոչ մեկը ճիշտ չէ իմ դեպքում։ Իսկ «Ատլետիկոն» ունի Սիմեոնե: Այնտեղ փոփոխություններ չեն եղել 14 տարվա ընթացքում, և, հավանաբար, չեն լինի որևէ փոփոխություն առաջիկա 14 տարում։ Նրա մեծ աշխատանքը արժանի է գովասանքի»,- Մարսելինոյի խոսքերն է մեջբերում Football Espana-ն։
