Շվեդ նախկին հարձակվող Զլատան Իբրահիմովիչը, ով աշխատում է որպես «Միլանի» խորհրդական, բանակցություններ է սկսել թիմի նոր մարզչի հետ։ Այս մասին սոցցանցերի միջոցով հայտնում է ինսայդեր Պատրիկ Բերգերը։
Աղբյուրի փոխանցմամբ՝ սկանդինավցին բանակցությունների մեջ է մտել Դորտմունդի «Բորուսիայի» նախկին մարզիչ Էդին Թերզիչի հետ։ Այս մասնագետի թեկնածությունը առաջնային է համարվում ռոսոներիների համար։ Ներկայումս միլանյան թիմի գլխավոր մարզչի պաշտոնը զբաղեցնում է պորտուգալացի Պաուլո Ֆոնսեկան։
«Միլանը» վատ մեկնարկեց Իտալիայի առաջնության նոր մրցաշրջանում։ Չորս տուրի արդյունքներով թիմը վաստակել է հինգ միավոր և աղյուսակի միայն տասներորդ տեղում է։
