«Բավարիայի» գլխավոր մարզիչ Վենսան Կոմպանին մեկնաբանել է Չեմպիոնների Լիգայում Զագրեբի «Դինամոյի» նկատմամբ տարած ջախջախիչ հաղթանակը (9:2):
«90 րոպեն հաջող էր: Թիմը հաճույք ստացավ խաղից, երկրպագուները ևս։ Մենք կարողացանք Չեմպիոնների Լիգայի յուրահատուկ երեկո անցկացնել տանը։ Ես ուրախ եմ տղաների համար, այն էներգիան, որը մեզ անհրաժեշտ է, շարունակում է կուտակվել։
Դեռ վաղ է դատել մեր առաջընթացը։ Մենք աճում ենք խաղից խաղ։ Ինձ դուր է գալիս, ճիշտն ասած, բայց սեպտեմբերին գավաթներ չես նվաճում: Մենք դեռ շատ անելիքներ ունենք, և հուսով եմ, որ կշարունակենք կատարելագործվել, բայց որպես գլխավոր մարզիչ իմ գործն է շարունակել առաջ մղել թիմին:
Հիմա մենք չենք արդարացնում սպասելիքները։ Հաջորդ տարի Մյունխենում եզրափակիչը երկրպագուների համար երազանք է, երազանք, որը պետք է իրականանա։ Իմ գլխավոր խնդիրն է կենտրոնանալ յուրաքանչյուր խաղի վրա, յուրաքանչյուր խաղի վրա վերականգնել էներգիան ու խաղերը հաղթելու ցանկությունը»,- Կոմպանիի խոսքերն է մեջբերում ՈՒԵՖԱ-ն։
