Իսպանիայի գերագույն սպորտային խորհրդի (CSD) բռնության դեմ պայքարի հանձնաժողովն առաջարկել է պատժել 60 հազար եվրոյով երկրպագուին՝ Մադրիդի «Ռեալի» հարձակվող Վինիսիուս Ժունիորի հասցեին սոցցանցերում բազմիցս ռասիստական ​​վիրավորանքներ տարածելու համար։ Այս մասին հայտնում է COPE-ը։

Աղբյուրի փոխանցմամբ՝ բացի դրամական տուգանքից, այս երկրպագուին կարող են երկու տարով արգելել մասնակցել սպորտային միջոցառումներին։

Այս հանձնաժողովը նույնպես համաձայնել է գործը ուղարկել դատախազություն, եթե հիմքեր հայտնաբերվեն երկրպագուին ռասայական հողի վրա ատելություն սերմանելու մեղադրանք առաջադրելու համար։