«Արսենալի» գլխավոր մարզիչ Միկել Արտետան երեք տարով երկարաձգել է պայմանագիրն ակումբի հետ։ Այս մասին հայտնում է The New York Times-ը։

Ըստ աղբյուրի՝ Միկել Արտետայի նախորդ պայմանագիրը պետք է ավարտվեր այս մրցաշրջանի վերջում, սակայն երկու կողմերն էլ քայլեր են ձեռնարկել՝ վերացնելու ցանկացած անորոշություն, և այժմ այն ​​երկարաձգվել է երեք տարով։ Նոր համաձայնագիրը մարզչին թույլ կտա «Արսենալում» աշխատել մինչև 2027 թվականը։ Իսպանացի մարզիչն անգլիական ակումբը գլխավորել է 2019 թվականից։

Պրեմիեր Լիգայի 2024/25 մրցաշրջանի արդյունքներով «Արսենալը» չորրորդ տեղում է։ Երեք հանդիպումներից թիմը վաստակել է յոթ միավոր։ «Մանչեսթեր Սիթին» ինը միավորով առաջին տեղում է։