«Վալենսիայի» հարձակվող Ռաֆա Միրը, ով նախկինում մեղադրվում էր սեռական ոտնձգության մեջ, ժամանակավորապես կմարզվի թիմից առանձին, հայտնում է El Mundo-ն։
Նշվում է, որ իսպանական ակումբի ղեկավարությունը երկուշաբթի օրը հանդիպում է անցկացրել 27-ամյա ֆուտբոլիստի հետ և հայտնել նրան այս որոշման մասին։ Ֆուտբոլիստը նույնպես պետք է տուգանք վճարի «Վալենսիայի» ներքին կանոնակարգը խախտելու համար։
Սեպտեմբերի 2-ին Միրը ձերբակալվել է Իսպանիայի քաղաքացիական գվարդիայի կողմից՝ սեռական ոտնձգությունների կասկածանքով։
Հաղորդվում էր, որ միջադեպը կարող էր տեղի ունենալ մոտ 25 տարեկան երկու կանանց նկատմամբ՝ ֆուտբոլիստի տանը գիշերային ակումբում երեկույթներից մեկից հետո։ Այս գործով մեկ այլ տղամարդու մեղադրանք է առաջադրվել։ Հարձակվողը ցուցմունք տալուց հետո ազատ է արձակվել կալանքից։
Ֆուտբոլիստը հայտարարել է իր անմեղության մասին ու անհիմն է անվանել իրեն ուղղված մեղադրանքները։
