«Ալ-Կադիսիայի» պաշտպան Նաչո Ֆերնանդեսը հիշել է, թե որքան դժվար էր իր համար որոշել հեռանալ «Ռեալից»։
Իսպանացին անցել է ակումբի երիտասարդական ակադեմիան և երբեք չի փոխել ակումբը մինչև 34 տարեկանը: Նախորդ մրցաշրջանի վերջում կենտրոնական պաշտպանը վերջապես որոշեց փոփոխություն կատարել։ Նա չերկարաձգեց պայմանագիրը «Ռեալի» հետ՝ ի վերջո ազատ գործակալի կարգավիճակով տեղափոխվելով Սաուդյան Արաբիայի «Ալ-Կադիսիա»։
«Այս որոշումն ինձ համար հեշտ չէր։ Շատ դժվար էր հեռանալ «Ռեալից»՝ իմ կյանքի ակումբից։ Բայց ինձ արմատական փոփոխություններ էին պետք»,- Նաչո Ֆերնանդեսի խոսքերն է մեջբերում Marca-ն, ով մադրիդյան գրանդի առաջին թիմի կազմում անցկացրել է 364 հանդիպում։
