«Բարսելոնայի» ֆուտբոլիստ Ռաֆինյա Դիասը խոսել է իր բրազիլացի թիմակից Վինիսիուս Ժունիորի մասին։
Մադրիդի «Ռեալի» հարձակման առաջատարը հայտնի է ոչ միայն իր վառ ու արդյունավետ խաղով, այլեւ խաղադաշտում իր ոչ միանշանակ պահվածքով, որը միշտ չէ, որ դուր է գալիս մրցակից ֆուտբոլիստներին ու երկրպագուներին։
«Վինիսիուսը խաղերի ժամանակ և Վինիսիուսը կյանքում երկու բոլորովին տարբեր մարդիկ են: Բայց սա նորմալ է, նման ֆուտբոլիստները բավականին շատ են։ Ես փորձում եմ բոլորին բացատրել, որ Վինին հրաշալի մարդ է»,- ասել է Ռաֆինյան RAC1-ին տված հարցազրույցում։
