«Մանչեսթեր Յունայթեդի» գլխավոր մարզիչ Էրիկ տեն Հագը «Լիվերպուլի» հետ հանդիպումից առաջ խոսել է «կարմիր սատանաների» հետ նվաճած տիտղոսների մասին։
«Վերջին երկու մրցաշրջանների ընթացքում «Մանչեսթեր Յունայթեդը» նվաճել է ամենաշատ գավաթները Անգլիայում՝ բացառելով «Մանչեսթեր Սիթիին»։ Սրանք փաստեր են և իրականություն։ Մենք նույնպես վճռական ենք նոր մրցաշրջանում տիտղոսներ նվաճելու հարցում։ Վստահ եմ, որ թիմը դա կանի»,- մասնագետի խոսքերն է փոխանցում BBC-ն։
Տեն Հեգը «կարմիր սատանաներին» մարզում է 2022 թվականից։ Նրա գլխավորությամբ անգլիական գրանդը նվաճեց Անգլիայի գավաթը և լիգայի գավաթը։ Պրեմիեր լիգայի երրորդ տուրի «Լիվերպուլի» հետ տնային հանդիպումը կկայանա սեպտեմբերի 1-ին «Օլդ Թրաֆորդ» մարզադաշտում։
