Մադրիդի «Ռեալի» նախկին կիսապաշտպան Տոնի Կրոսը լուսանկարներ է հրապարակել մադրիդյան թիմի նախկին պաշտպան և ավագ Սերխիո Ռամոսի հետ։
«Լեգենդ. Առաջնորդ. Ընկեր. Միշտ ուրախ եմ քեզ տեսնել, կապիտան»,- գրել է Կրոսը սոցցանցի իր միկրոբլոգում։
«Լեգենդների մարզաշապիկների իմ հավաքածուն ամբողջական չէր լինի առանց մեծագույններից մեկի՝ իմ եղբոր՝ Տոնի Կրոսի մարզաշապիկի»,- գրել է Ռամոսը նաև իր սոցիալական ցանցում։
Հիշեցնենք, որ Կրոսն ու Ռամոսը միասին հանդես են եկել «Ռեալում» 2014-ից 2021 թվականներին։ Գերմանացի կիսապաշտպանը «Ռեալի» կազմում բոլոր մրցաշարերում անցկացրել է 465 հանդիպում՝ դառնալով 28 գոլի և 99 գոլային փոխանցման հեղինակ։ Իսպանացի պաշտպանը բոլոր մրցաշարերում անցկացրել է 671 հանդիպում՝ դառնալով 101 գոլի և 40 գոլային փոխանցման հեղինակ։
