Մանուել Նոյերը խոսել է Չեմպիոնների Լիգայի ընդհանուր փուլում «Բավարիայի» մրցակիցների մասին։
Մյունխենյան ակումբը կանցկացնի 8 հանդիպում հետևյալ թիմերի հետ՝ ՊՍԺ (տանը); «Բարսելոնա» (արտագնա); «Բենֆիկա» (տանը); «Շախտյոր» (արտագնա); «Դինամո» Զագրեբ (տանը); «Ֆեյենորդ» (արտագնա); «Սլովան» (տանը); «Աստոն Վիլա» (արտագնա)։
«Սրանք շատ հետաքրքիր հանդիպումներ են լինելու շատ լավ մրցակիցների դեմ: Բայց մենք սկսում ենք լիգայի նոր մրցաշրջանը վստահ լինելով, որ ինքնաբերաբար որակավորվելու ենք: Մենք ցանկանում ենք ցույց տալ, թե ինչպես ենք հանդես գալիս այլ թիմերի դեմ և ինչպես կարող ենք հաղթել, հատկապես առաջին զամբյուղում գտնվող թիմերի դեմ:
«Բարսելոնան» և ՊՍԺ-ն լավ են սկսել մրցաշրջանը։ Մենք նորից կտեսնենք Հանսի Ֆլիկին և նրա մարզչական շտաբին, և անհամբեր սպասում ենք դրան, հատկապես՝ Բարսելոնայում:
«Շախտյորը» թիմ է, որը երկար տարիներ մասնակցում է Չեմպիոնների լիգային։ Խաղը կայանալու է Գելզենկիրխենում, ինչն ինձ համար առանձնահատուկ կդարձնի։
«Բենֆիկան» շատ ուժեղ թիմ է, որը վերջին տարիներին բազմիցս ցույց է տվել, որ ունակ է դուրս գալ փլեյ-օֆֆ։ Արդեն իսկ Զագրեբի «Դինամոյի» հետ խաղալու փորձ ունենք։ «Սլովանն» անշուշտ խթան կստանա որակավորման փուլից:
Ինչ վերաբերում է «Աստոն Վիլային», ապա մեր անգլիացի տղաները հատկապես ուրախ կլինեն Անգլիայում խաղալու հնարավորություն ունենալու համար»,- ասել է «Բավարիայի» դարպասապահը։
