«Մանչեսթեր Սիթիի» գերմանացի կիսապաշտպան Իլկայ Գյունդողանը լրագրողների հետ զրույցում խոսել է այս ամառային տրանսֆերային պատուհանի ժամանակ «Բարսելոնայից» իր հեռանալու մասին։
Գյունդողանը As-ին ասել է, որ իր համար բավական է, որ Պեպ Գվարդիոլան ցանկանում էր իրեն վերադարձնել: Գերմանացին նշել է, որ այս ամառ առաջարկներ է ունեցել այլ ակումբներից, սակայն դրանք իրեն ընդհանրապես չեն հետաքրքրել։
«Ինչ վերաբերում է «Բարսելոնային», ապա ամբողջ սրտով ցանկանում եմ, որ թիմը խաղաղություն գտնի։ Երկրպագուներն արժանի են դրան։ Առաջին երեք տուրերում երեք հաղթանակով մեկնարկը հաջող էր։ Հուսով եմ, որ կատալոնացիները կշարունակեն նույն ոգով»,- հավելել է Գյունդողանը։
