Արգենտինայի հավաքականի կազմում ֆուտբոլի աշխարհի չեմպիոն Մարկոս Ակունյան իսպանական «Սևիլյայից» տեղափոխվել է արգենտինական «Ռիվեր Փլեյթ», հայտնում է Բուենոս Այրեսի ակումբը X սոցիալական ցանցում։
Ակունյան 32 տարեկան է։ Պաշտպանը «Սևիլյայում» հանդես է գալիս 2020 թվականից և նրանց հետ հաղթել է Եվրոպա Լիգան։ Ինչպես հայտնում է Transfermarkt պորտալը, արգենտինացին պայմանագիր է կնքել մինչև 2027 թվականի դեկտեմբեր:
Նա նաև 59 հանդիպում է անցկացրել Արգենտինայի հավաքականի կազմում, որի հետ հաղթել է 2022 թվականին Քաթարում կայացած Աշխարհի առաջնությունում , ինչպես նաև երկու անգամ հաղթել Ամերիկայի գավաթում։
2023/24 մրցաշրջանում նա իսպանական ակումբի կազմում անցկացրել է 26 հանդիպում, դարձել մեկ գոլի և չորս գոլային փոխանցման հեղինակ։