Ամեն ինչ տանում է նրան, որ այս ամառ «Ռեալն» այլևս նոր ֆուտբոլիստներ չի ձեռք բերելու։ Վերջերս թիմի մարզիչ Կառլո Անչելոտտին հստակ հայտարարեց, որ մադրիդյան թիմի հայտացուցակն արդեն ձևավորվել է։
Միևնույն ժամանակ, «Լոս Բլանկոները» մտածում են նաև երկարաժամկետ հեռանկարի մասին։ Ինչպես հայտնում է TodoFichajes պորտալը, Մադրիդի «Ռեալը» ցանկանում է գտնել ֆուտբոլիստի, ով ապագայում կարող է փոխարինել արդեն ոչ երիտասարդ Դանի Կարվախալին պաշտպանության աջ եզրում։
Աղբյուրի համաձայն՝ Մադրիդի «Ռեալն» իր ուշադրությունն է դարձրել «Ինտերի» ֆուտբոլիստ Դենզել Դյումֆրիսին: Հոլանդացու գործող պայմանագրի ժամկետը լրանում է մեկ տարուց էլ քիչ անց (2025 թվականի հունիսի վերջին), ինչը 28-ամյա ֆուտբոլիստին լավ թեկնածու է դարձնում։
