«Ինտերի» գլխավոր մարզիչ Սիմոնե Ինձագին քննադատել է թիմին Ա Սերիայի 1-ին տուրում «Ջենոայի» նկատմամբ բաց թողած հաղթանակի պատճառով (2:2)։
«Արդյունքից հիասթափություն կա։ Իմ կարծիքով տղաները լուրջ, կենտրոնացված խաղ ցուցադրեցին։ Մենք պատշաճ առաջին խաղակես անցկացրինք, որտեղ շատ բան ստեղծեցինք և անփույթ գոլ բաց թողեցինք, ուղղակի պատահականություն։ Երկրորդ խաղակեսում մենք ավելի դանդաղ էինք շարժում գնդակը, ապա 82-րդ րոպեին գոլ խփեցինք, որը մեզ թույլ տվեց առաջ անցնել հաշվի մեջ։ Դրանից հետո մենք պետք է ավելի լավ տնօրինեինք գնդակը։
Նման երկու գոլ բաց թողնելով՝ դժվար է հաղթել հանդիպումներում։ Սա պատիվ է «Ջենոային», բայց ոչ-ոքին մեզ գոհունակություն չբերեց՝ հաշվի առնելով մեր ստեղծածը: «Ինտերի» նման թիմը, որն առաջ անցավ 82-րդ րոպեին, չպետք է նման գոլեր բաց թողնի»,- Ինձագիի խոսքերն է մեջբերում Football Italia-ն։
