Լևերկուզենի «Բայերը» նվաճեց Գերմանիայի Սուպերգավաթը՝ հաղթելով «Շտուտգարտին»։ Խաղի հիմնական ժամանակը ավարտվեց 2։2 հաշվով, իսկ 11 մետրանոց հարվածաշարում ավելի ուժեղ գտնվեցին Խաբի Ալոնսոյի թիմի ֆուտբոլիստները, հաղթելով՝ 4։3 հաշվով։
Հանդիպման 11-րդ րոպեին Վիկտոր Բոնիֆասը առաջ մղեց «Բայերին», իսկ մի քանի րոպե անց Էնցո Միլհոն հավասարեցրեց հաշիվը։ 37-րդ րոպեին Մարտին Թերիերի հեռացման պատճառով «Բայերը» մնաց 10 հոգով։
63-րդ րոպեին «Շտուտգարտը» առաջ անցավ հաշվի մեջ, աչքի ընկավ՝ Դենիզ Ունդավը, իսկ խաղավարտից երկու րոպե առաջ Պատրիկ Շիկը հավասարեցրեց հաշիվը։
«Բայերը» պատմության մեջ առաջին անգամ նվաճեց Գերմանիայի սուպերգավաթը։
