Ֆրանսիայի հավաքականի կիսապաշտպան Յուսուֆ Ֆոֆանան «Մոնակոյից» տեղափոխվել է «Միլան»։ Կողմերը համաձայնության են եկել մինչև 2028 թվականի հունիսի 30-ը, հայտնում է միլանյան թիմի մամուլի ծառայությունը։

Գործարքի այլ մանրամասներ չեն նշվում։ Ավելի վաղ հաղորդվում էր, որ տրանսֆերը «Միլանի» վրա արժեցել է 25 միլիոն եվրո։

25-ամյա կիսապաշտպանը «Մոնակոյում» հանդես է գալիս 2020 թվականի սկզբից։ Նախորդ մրցաշրջանում նա ակումբի կազմում անցկացրել է 35 հանդիպում, դարձել 4 գոլի և 4 գոլային փոխանցման հեղինակ։

Ֆրանսիայի հավաքականի կազմում անցկացրած 21 խաղում Ֆոֆանան խփել է 3 գոլ։