«Լիվերպուլի» նախկին մարզիչ Յուրգեն Կլոպը շուտով կվերադառնա մարզչական աշխատանքի, բայց միայն մեկ խաղով։
Գերմանացի մասնագետը թիմերից մեկի մարզիչը կդառնա լեհ ֆուտբոլիստներ Յակուբ Բլաշչիկովսկու և Լուկաշ Պիշչեկի հրաժեշտի խաղում, ում հետ Կլոպը միասին աշխատել է Դորտմունդի «Բորուսիայում»։ Այս մասին հայտնում է Դորտմունդի ակումբի մամուլի ծառայությունը։ Կլոպը նշել է, որ իրեն չի հետաքրքրում, թե որ թիմը կմարզի։
«Ամեն ինչ կանեմ իմ դասական ոճով։ Խաղի մասին կսկսեմ մտածել դրա սկսվելուց հինգ րոպե առաջ»,- կատակել է մարզիչը «Բորուսիայի» մամուլի ծառայության լրագրողների հետ զրույցում։
