Մադրիդի «Ռեալի» գլխավոր մարզիչ Կառլո Անչելոտտին խոսել է ամառային տրանսֆերային պատուհանի հետագա պլանների մասին։
«Մեր շուկան փակ է։ Ես այլ ձեռքբերումներ չեմ խնդրի»,- Անչելոտտիի խոսքերն է մեջբերում լրագրող Ֆաբրիցիո Ռոմանոն սոցիալական ցանցերում։
Նշենք, որ այս ամառ Մադրիդի «Ռեալը» պայմանագիր է կնքել երկու ֆուտբոլիստների հետ։ Մադրիդյան ակումբի կազմը համալրել է ֆրանսիացի աստղային հարձակվող Կիլիան Մբապպեն, ով ժամանել է ազատ գործակալի կարգավիճակով։ Ակումբը պայմանագիր է կնքել նաև բրազիլական «Պալմեյրասի» հարձակվող Էնդրիկի հետ։
Խոսելով կորուստների մասին, հարկ է նշել, որ 6 ֆուտբոլիստներ հեռացան իսպանական գրանդից՝ Ռաֆա Մարինը, Խուամմի Լատասան, Խոսելուն, Նաչո Ֆերնանդեսը, Տոնի Կրոսը և Կեպա Արիզաբալագան:
