«Մանչեսթեր Յունայթեդը» շարունակում է հետաքրքրություն ցուցաբերել «Բարսելոնայի» հոլանդացի կիսապաշտպան Ֆրենկի դե Յոնգի նկատմամբ։
Ինչպես հայտնում է Mail Sport-ը, «Օլդ Թրաֆորդը» հույս ունի պայմանագիր կնքել ֆուտբոլիստի հետ մինչև ամառային տրանսֆերային պատուհանի փակվելը: «Մանչեսթեր Յունայթեդը» հոլանդացու համար պատրաստ է «Բարսելոնային» վճարել 50 միլիոն եվրո։ Կապտանռնագույնները կարող են բաժանվել կիսապաշտպանից, բայց ավելի տպավորիչ փոխհատուցման դեպքում:
Դե Յոնգը «Բարսելոնա» է տեղափոխվել 2019 թվականի ամռանը։ Ընդհանուր առմամբ նա ակումբի կազմում անցկացրել է 213 հանդիպում, որոնցում դարձել է 17 գոլի և 21 գոլային փոխանցման հեղինակ։ Նրա պայմանագիրը նախատեսված է մինչև 2026 թվականի հունիսի վերջը։
