«Ռոմայի» աստղ արգենտինացի հարձակվող Պաուլո Դիբալան այս ամառային տրանսֆերային պատուհանի ընթացքում մերժել է Սաուդյան Արաբիայի առաջնության ակումբներից մեկի գայթակղիչ առաջարկը:
Ինչպես հայտնում է ինսայդեր և լրագրող Նիկոլո Շիրան, 30-ամյա արգենտինացի ֆուտբոլիստն առաջարկ է ստացել «Ալ-Կադիսիա» ակումբից։ Սաուդյան Արաբիայի թիմը պատրաստ էր մինչև 2028 թվականի ամառ պայմանագիր կնքել Դիբալայի հետ՝ սեզոնին 25 միլիոն եվրո ամուր աշխատավարձով։ Դիբալան մերժել է այս առաջարկը և որոշել շարունակել ելույթները «Ռոմայում»:
Հիշեցնենք, որ նախորդ մրցաշրջանում Պաուլո Դիբալան հռոմեական ակումբի կազմում Իտալիայի առաջնությունում անցկացրել է 28 հանդիպում, որոնցում դարձել է 13 գոլի և 9 գոլային փոխանցման հեղինակ։
