Դորտմունդի «Բորուսիան» համաձայնեցրել է անձնական պայմանագրի պայմանները Բունդեսլիգայի հարձակվողի հետ։ Լրագրող Ֆաբրիցիո Ռոմանոյի տեղեկությունների համաձայն՝ «իշամեղուները» լիովին համաձայնեցրել են պայմանները «Հոֆենհայմի» հարձակվող Մաքսիմիլիան Բայերի հետ։
Աղբյուրի համաձայն՝ Դորտմունդի «Բորուսիան» դեռ պետք է համաձայնեցնի փոխհատուցման չափը հենց «Հոֆենհայմի» հետ։ Մաքսիմիլիանն ընտրել է Նուրի Շահինի թիմ տեղափոխվելու տարբերակը, թեև նրա ծառայություններով հետաքրքրված էին նաև այնպիսի ակումբներ, ինչպիսիք են Լոնդոնի «Չելսին» և Լևերկուզենի «Բայերը»:
Բունդեսլիգայի վերջին 33 խաղում 21-ամյա հարձակվողը դարձել է 16 գոլի և 1 գոլային փոխանցման հեղինակ։
