«Բարսելոնայի» գլխավոր մարզիչ Հանս-Դիտեր Ֆլիկը չի մեկնաբանել Դանի Օլմոյի մոտալուտ գալու մասին տեղեկությունը։
Ըստ տարբեր հեղինակավոր աղբյուրների՝ «ՌԲ Լայպցիգի» և Իսպանիայի հավաքականի հարձակվողական ոճի կիսապաշտպանը մոտ ապագայում կտեղափոխվի կատալոնական ակումբ։ Տրանսֆերի ընդհանուր արժեքը կգերազանցի 60 միլիոն եվրոն։
«Միլանի» հետ ընկերական հանդիպումից հետո, որում «բլաուգրանաները» պարտվեցին 11 մետրանոցներով հիմնական ժամանակում ոչ-ոքի 2-2 հաշվով, լրագրողները Ֆլիկին հարցրին Օլմոյի մոտալուտ պայմանագրի մասին: Մարզիչը խուսափեց պատասխանել. «Այսօր պետք է խոսենք Լևանդովսկու և նրա երկու խփած գոլերի մասին»,- գերմանացի մասնագետի խոսքերն է մեջբերում Barca Universal-ը։
