Սաուդյան «Ալ-Նասրը» հետաքրքրված է «Մանչեսթեր Յունայթեդի» 24-ամյա վինգեր Անտոնիի ծառայություններով: Այս մասին հայտնում է Football Insider-ը։
Աղբյուրի համաձայն, սաուդյան ակումբը սկսել է հետաքրքրվել Անտոնիով այն բանից հետո, երբ չի հաջողվել ձեռք բերել «Բարսելոնայի» վինգեր Ռաֆինյային:
Անցած մրցաշրջանում Անտոնին բոլոր մրցաշարերում մասնակցել է 38 հանդիպման, որոնցում դարձել է երեք գոլի և երկու գոլային փոխանցման հեղինակ։ Ընդհանուր առմամբ, եզրային հարձակվողը խաղադաշտում անցկացրել է 1910 րոպե։ Ֆուտբոլիստի գործող աշխատանքային պայմանագիրն ակումբի հետ նախատեսված է մինչև 2027 թվականի ամառը: Transfermarkt պորտալում ներկայացված տեղեկատվության համաձայն՝ ֆուտբոլիստի շուկայական արժեքը կազմում է 25 միլիոն եվրո:
