«Բավարիայի» կիսապաշտպան Ջամալ Մուսիալան 2024/25 մրցաշրջանի մեկնարկից առաջ խոսել է թիմի հավակնությունների մասին։
«Մենք շատ մոտիվացված ենք: Մենք չկարողացանք նվաճել տիտղոսը նախորդ մրցաշրջանում, և մենք չենք ցանկանում դա կրկնել: Մենք հաղթական մտածելակերպ ունենք, բայց եթե ամբողջ մրցաշրջանի ընթացքում 100 տոկոս չնվիրվենք, չենք հասնի մեր նպատակներին։
Պետք է առաջին հերթին նայենք ինքներս մեզ, որ մենք ավելի լավն ենք, քան մյուսները, և աստիճանաբար առաջ քայլեր ձեռնարկենք»,- Մուսիալայի խոսքերն է մեջբերում Sport1-ը։
Անցած մրցաշրջանում «Բավարիան» զբաղեցրել է Բունդեսլիգայի երրորդ հորիզոնականը: Գերմանիայի նոր առաջնությունը կմեկնարկի օգոստոսի 23-ին։ 1-ին տուրում «Բավարիան» արտագնա խաղում կխաղա «Վոլֆսբուրգի» հետ։
