«Բարսելոնայի» կիսապաշտպան Իլկայ Գյունդողանը հայտնվել է «Ֆեներբախչեի» հետաքրքրությունների թվում, հայտնում է AS-ը։ Նրանք արդեն բանակցում են ֆուտբոլիստի գործակալի հետ՝ գլխավոր մարզիչ Ժոզե Մոուրինյոյի խնդրանքով:
Ավելի վաղ հաղորդվում էր, որ կատալոնացիները կարող են վաճառել ֆուտբոլիստին ինչպես մարզական, այնպես էլ ֆինանսական պատճառներով։ Միևնույն ժամանակ, ինքը չի ծրագրում հեռանալ «Բարսելոնայից»:
Նախորդ մրցաշրջանում 33-ամյա կիսապաշտպանը բոլոր մրցաշարերում անցկացրել է 51 հանդիպում, դարձել 5 գոլի և 14 գոլային փոխանցման հեղինակ։ Նրա պայմանագիրը «Բարսելոնայի» հետ նախատեսված է մինչև 2025 թվականի հունիսը՝ երկարաձգելու հնարավորությամբ։
