«Բարսելոնայի» դարպասապահ Մարկ-Անդրե տեր Շտեգենը Լա Լիգայի նոր մրցաշրջանից առաջ խոսել է թիմի հավակնությունների մասին։
«Ես հավատում եմ, որ թիմը պատրաստ է պայքարել տիտղոսների համար։ Մենք մեծ ոգևորվածություն ունենք, և ես վստահ եմ, որ ուժեղ կազմ ունենք մրցելու համար: Դա երկար մրցաշրջան է լինելու, և մենք բոլորս հավատարիմ ենք տիտղոսների համար պայքարելուն»,- Տեր Շտեգենի խոսքերն է մեջբերում Mundo Deportivo-ն:
Անցած մրցաշրջանում «Բարսելոնան» Լա լիգայի մրցաշարային աղյուսակում զբաղեցրել է երկրորդ տեղը՝ զիջելով միայն «Ռեալին»: Իսպանիայի 2024/25 առաջնության 1-ին տուրում կատալոնական թիմը օգոստոսի 17-ին կմրցի «Վալենսիայի» հետ։
