ՊՍԺ-ն պաշտոնական առաջարկ է արել «Մանչեսթեր Սիթիի» արգենտինացի հարձակվող Խուլիան Ալվարեսին ձեռք բերելու համար, հայտնում է TyC Sports-ը։

Այս օրերին Փարիզում ընթացող Օլիմպիական խաղերում Ալվարեսը հանդես է եկել Արգենտինայի հավաքականի կազմում։ Նրա թիմը քառորդ եզրափակիչում պարտվել է Ֆրանսիային (0։1)։

Նախորդ մրցաշրջանում 24-ամյա Ալվարեսը բոլոր մրցաշարերում մասնակցել է 54 հանդիպման, որոնցում դարձել է 19 գոլի և 13 գոլային փոխանցման հեղինակ։