Իսպանիայի առաջնության անցած մրցաշրջանի լավագույն ռմբարկուներից մեկը՝ Ալեքսանդր Սորլոտը, կարող է հեռանալ «Վիլյառեալից» և կարիերան շարունակել այլ ակումբում։
Ինչպես տեղեկացնում է Todofichajes-ը, Մադրիդի «Ատլետիկոն» մոտ է 28-ամյա նորվեգացի ռմբարկուի հետ պայմանագիր կնքելուն։ Սորլոտի արժեքը գնահատվում է 25 մլն եվրո։ Հարձակվողի և «Վիլյառեալի» միջև գործող պայմանագիրը նախատեսված է մինչև 2028 թվականի ամառ։
Իսպանիայի առաջնության անցած մրցաշրջանում ֆուտբոլիստը մասնակցել է 34 հանդիպման։ Հարձակվողը դարձել է 23 գոլի և 6 գոլային փոխանցման հեղինակ:
