«Արսենալը» մոտ է «Ռեալ Սոսյեդադի» կիսապաշտպան Միկել Մերինոյին ձեռք բերելուն, հայտնում է լրագրող Մատեո Մորետոն։
Իսպանիայի հավաքականի կազմում Եվրոպայի չեմպիոն դարձած 28-ամյա կիսապաշտպանով հետաքրքրված են նաև «Բարսելոնան» և Մադրիդի «Ատլետիկոն»։ Մերինոյի պայմանագիրը «Ռեալ Սոսյեդադի» հետ ավարտվում է 2025 թվականի հունիսին, և ակումբը կվաճառի նրան այս ամառ՝ մեկ տարի հետո անվճար չկորցնելու համար։
«Արսենալն» արդեն համաձայնեցրել է անձնական պայմանագրի պայմանները ֆուտբոլիստի հետ, և այժմ 30 միլիոն եվրոյի առաջարկ է արել «Ռեալ Սոսյեդադին»։ Սպասվում է, որ իսպանական ակումբը թույլ կտա խաղացողին հեռանալ:
«Սոսյեդադը» ծրագրում է պայմանագիր կնքել ՊՍԺ-ի կիսապաշտպան Կառլոս Սոլերի հետ՝ փոխարինելու Մերինոյին:
