«Վեսթ Հեմը» մոտ է Դորտմունդի «Բորուսիայի» հետ հարձակվող Նիկլաս Ֆուլկրուգի տրանսֆերի շուրջ համաձայնության գալուն։ Այս մասին հայտնում է Sky Sports-ը։
«Բորուսիան» գերմանացի հարձակվողին ձեռք է բերել «Վերդերից» 2023 թվականի ամռանը 17 միլիոն եվրոյի դիմաց։ Այժմ 31-ամյա ֆուտբոլիստի շուկայական արժեքը գնահատվում է 15 մլն եվրո։
2023/24 մրցաշրջանում Ֆուլկրուգը բոլոր մրցաշարերում դորտմունդցիների կազմում անցկացրած 46 խաղում դարձել է 16 գոլի և 10 գոլային փոխանցման հեղինակ։
