Իտալիայի հավաքականի պաշտպան Ռիկարդո Կալաֆիորին մեկնաբանել է իր տեղափոխությունը «Բոլոնիայից» «Արսենալ»։
«Զգացմունքները զարմանալի են։ Դա հեշտ տրանսֆեր չի եղել, բայց մենք վերջապես այստեղ ենք, և ես անհամբեր սպասում եմ, թե երբ կսկսեմ մարզվել թիմի հետ և խաղալ երկրպագուների համար։
Այստեղ տեղափոխվելը իմ երազանքն է եղել 12-13 տարեկանից։ Ես տեսնում եմ, թե ինչ մակարդակի վրա է առաջնությունը։
Ես հավատում եմ, որ այստեղ են խաղում աշխարհի լավագույն ֆուտբոլիստները։ Սա երազանք է ոչ միայն իմ, այլ ցանկացած խաղացողի համար»,- Կալաֆիորիի խոսքերն է մեջբերում «Արսենալի» մամուլի ծառայությունը։
