Կատալոնական «Բարսելոնայի» գլխավոր մարզիչ Հանս-Դիտեր Ֆլիկը խոսել է այն մասին, թե ինչպիսի ֆուտբոլիստ է պետք իր թիմին։
«Ես լավ հարաբերություններ ունեմ ակումբի մարզական տնօրեն Դեկուի հետ։ Ես գոհ եմ նրա աշխատանքից: Այժմ մենք պետք է ավելի լավ թիմ ստեղծենք: Մենք շատ երիտասարդներ ունենք, կարծում եմ՝ թիմին պետք է այնպիսի խաղացող, ով գիտի, թե ինչպես հաղթել հանդիպումներում։
Մենք նաև պետք է օգնենք մեր խաղացողներին առաջադիմել: Սա մեր աշխատանքն է և «Բարսելոնայի» փիլիսոփայության մի մասն է»,- գերմանացի մարզչի խոսքերն է փոխանցում Mundo Deportivo-ն։
