Պորտուգալացի հարձակվող Ժոաու Ֆելիշի ապագան մնում է անորոշ և արդյունքում՝ քննարկման փուլում։ Ֆուտբոլիստը դեմ չէր լինի մնալ «Բարսելոնայում», սակայն կատալոնացիների համար դժվար կլինի պայմանավորվել «Ատլետիկոյի» հետ նոր վարձակալության հարցում։
Ինչպես հաղորդում է TodoFichajes-ը՝ հղում անելով հարգված լրագրող Ֆաբրիցիո Ռոմանոյին, Ֆելիշը կարող է վերադառնալ «Բենֆիկա», թեև 24-ամյա ֆուտբոլիստն ինքը կնախընտրեր մնալ բարձրագույն լիգայում։ Եթե «Բենֆիկան» Ժոաու Նևեշին վաճառի ՊՍԺ-ին, ապա լիսաբոնցիները գումար կունենան Ժոաու Ֆելիշի իրավունքների 50%-ը գնելու համար։
Transfermarkt-ը Ֆելիշին գնահատում է 30 միլիոն եվրո։
