«Միլանը» սկզբունքային համաձայնության է եկել «Զալցբուրգի» պաշտպան Ստրահինյա Պավլովիչի հետ։
«Ռոսոներիները» պատրաստ են ֆուտբոլիստին վճարել տարեկան 1,5 միլիոն եվրո՝ ավելի քան կրկնակի, քան տարեկան 700,000 եվրոն, որը նա այժմ վաստակում է։ Իտալական ակումբը դեռ չի պայմանավորվել «Զալցբուրգի» հետ Սերբիայի հավաքականի պաշտպանի տրանսֆերի հարցում։
Ըստ ինսայդեր Ջանլուկա Դի Մարցիոյի՝ «Միլանի» ներկայիս առաջարկը գնահատվում է մոտ 20 միլիոն եվրո, սակայն «Զալցբուրգում» վստահ են, որ իրենց ֆուտբոլիստը արժե 30 միլիոն եվրո։
23-ամյա Պավլովիչի պայմանագիրը «Զալցբուրգի» հետ մնացել է երեք տարի։
