Հոլանդիայի հավաքականի գլխավոր մարզիչ Ռոնալդ Կումանը EURO-2024-ի կիսաեզրափակիչում Անգլիայից կրած պարտությունից հետո (1։2) ամփոփել է հանդիպումը։
«Ես հիասթափված եմ արդյունքից: Հանդիպումը շատ լավ սկսվեց մեզ համար, և մենք գոլ խփեցինք։ Դրանից հետո մենք խնդիրներ ունեցանք կիսապաշտպանությունում և թույլ տվեցինք խաղալ այնպիսի վտանգավոր խաղացողների, ինչպիսիք են Բելինգհեմն ու Ֆոդենը։ Մենք փոփոխություններ կատարեցինք, հետ վերցրեցինք վերահսկողությունը և վերջին 20 րոպեների ընթացքում զգացինք, որ շարունակելու ենք։ Բայց հետո գոլ՝ իսկապես լավ գոլ, ամենավերջում։
Ես վստահ եմ ապագայի վրա: Այս թիմը կարող է ավելի լավ հանդես գալ, և մենք ունենք ավելի շատ ֆուտբոլիստներ։ Մենք լավ աշխատեցինք միասին, կապ հաստատեցինք և մոտ էինք եզրափակչին։ Ես հպարտ եմ այս թիմով։
Վերջին 20 կամ 25 րոպեներին ես զգացողություն ունեի, որ մենք ավելի թարմ ենք, բայց նրանք հիանալի գոլ խփեցին, և դա ֆուտբոլ է։
Հավանաբար մենք արժանի էինք լրացուցիչ ժամանակի, բայց դա այդպես է։ Մենք կարող ենք հպարտանալ մեր խաղացողներով և ազգային թիմով, քանի որ հիանալի մրցաշար անցկացրինք»,- Կումանի խոսքերն է մեջբերում ՈւԵՖԱ-ն։
