Հայտնի է դարձել Եվրոպայի առաջնության քառորդ եզրափակչի Անգլիա – Շվեյցարիա խաղի լավագույն ֆուտբոլիստի անունը։ Խաղի լավագույն ֆուտբոլիստ է ճանաչվել Անգլիայի հավաքականի հարձակվող Բուկայո Սական։
Շվեյցարիայի դեմ խաղում Սական 80-րդ րոպեին գոլի հեղինակ դարձավ ու Անգլիային փրկեց պարտությունից։ Հիմնական և լրացուցիչ ժամանակն ավարտվել է ոչ-ոքի (1։1), իսկ 11 մետրանոց հարվածաշարում ավելի դիպուկ են գտնվել անգլիացիները (5։3)։
Սական գոլի հեղինակ է դարձել նաև 11 մետրանոց հարվածաշարում։
Բուկայո Սական Անգլիայի հավաքականի կազմում անցկացրել է 38 հանդիպում և դարձել 12 գոլի հեղինակ։