Անգլիայի հավաքականի գլխավոր մարզիչ Գարեթ Սաութգեյթը խոսել է Եվրոպայի 2024 թվականի առաջնության խմբային փուլի 3-րդ տուրում Սլովենիայի հետ կայանալիք հանդիպման մասին։
«Մենք մեծ մոտիվացիա ունենք։ Մենք դեռ չենք խաղացել այնպես, ինչպես ցանկանում ենք, և հնարավորություն ունենք հաղթելու խմբում։ Սա կարող է շատ կարևոր լինել։ Մեր մոտիվացիայի մակարդակը շատ բարձր է։ Ես երբեք դրանում չեմ կասկածում, հատկապես վաղվա համար»,- Սաութգեյթի խոսքը մեջբերում է ՈւԵՖԱ-ի պաշտոնական կայքը։
Անգլիան այս պահին չորս միավորով առաջին տեղում է: Սլովենիայի հավաքականը երկու միավորով երրորդ տեղում է։
