ՊՍԺ-ի պաշտպան Լեյվին Կուրզավան, ով անցած մրցաշրջանում փարիզցիների կազմում խաղաց ընդամենը 8 րոպե, ակումբի ղեկավարությանը մեղադրել է իրեն անհարգալից վերաբերմունքի մեջ։ Հունիսի 30-ին ավարտվում է Կուրզավայի պայմանագիրը ՊՍԺ-ի հետ, և նա կդառնա ազատ գործակալ։
«Ինձ այս տարի և նախորդ տարիներին անհարգալից վերաբերմունք են ցուցաբերել։ Միգուցե նրանց համար չափազանց շատ էր, որ ես չէի ուզում հեռանալ, բայց դուք չեք կարող մոռանալ, որ իմ պայմանագիրը 4 տարով երկարաձգվեց 2020 թվականին։ Ընդամենը մեկ տարի անց նրանք ինձ ասացին. «Դու պետք է հեռանաս»:
Գործակալս այն ժամանակ ինձ տեղյակ չէր պահել։ Ես ունեի տարբերակներ, բայց ես տեղյակ չէի: Եթե ինձ ասեիք, որ այս ակումբը հետաքրքրված է՝ իմ երազանքի ակումբը՝ «Մանչեսթեր Յունայթեդը», ես կմտածեի այդ մասին։
Փողն ինձ համար առաջնահերթություն չէ։ Ինձ իրական սպորտային նախագիծ է պետք»,- Կուրզավային մեջբերում է L’Équipe-ը։
