Ռումինիայի հավաքականի գլխավոր մարզիչ Էդվարդ Իորդենեսկուն մեկնաբանել է Եվրոպայի առաջնության խմբային փուլի 2-րդ տուրի խաղում Բելգիայից կրած պարտությունը (0:2)։
«Որակյալ թիմ տեսաք, արագություն, պայթյունավտանգ թիմ։ Սա լիարժեք թիմ է։ Նրանք տիտղոսը նվաճելու հավակնորդներ են։ Մենք երբեք չենք հանձնվել, պայքարել ենք, շատ դժվար էր։ Երկրորդ խաղակեսում մենք ավելի լավ էինք գործում։ Եթե մեր բախտը բերեր, կարող էինք միավոր կորզել: Հաշիվը հավասարեցնելու հնարավորություններ ունեինք։
Փորձարկման տեսանկյունից սա ամենաբարձր մակարդակն էր։ Մենք լավ սկսեցինք մրցաշարը, հիմա տեսնենք, թե ինչպես ենք հաղթահարելու դժվարությունները։ Մեզ պետք է համերաշխություն և միասնություն»,- մամուլի ասուլիսի ժամանակ ասել է Իորդենեսկուն։
E խմբում բոլոր չորս թիմերն ունեն երեք միավոր: Վերջին տուրում Բելգիան կխաղա Ուկրաինայի հետ, իսկ Ռումինիան կհանդիպի Սլովակիայի հետ։
