Հոլանդիայի հավաքականի կիսապաշտպան Ջորջինիո Վեյնալդումը խոսել է Ֆրանսիայի հավաքականի հարձակվող Կիլիան Մբապպեի մասին։ Երկուսն էլ նախկինում հանդես են եկել ՊՍԺ-ում:
«Իմ տպավորությունը նրա մասին հավանաբար նույնն է, ինչ բոլորի տպավորությունները: Նա, կարելի է ասել, այս պահին աշխարհի լավագույն խաղացողն է: Երբ ես ՊՍԺ-ում էի, մենք միասին ժամանակ էինք անցկացնում ոչ միայն մարզումների և խաղերի ժամանակ։ Մենք պարբերաբար տեսնում էինք միմյանց։
Մենք հիանալի ընկերական հարաբերություններ ունեինք, և այդ ժամանակից ի վեր մենք կապի մեջ ենք»,- Վեյնալդումի խոսքը մեջբերում է ՈւԵՖԱ-ի մամուլի ծառայությունը։
Հիշեցնենք, որ Ավստրիայի հետ խաղում Մբապպեն կոտրել էր քիթը հակառակորդ պաշտպանի հետ գնդակի համար պայքարելիս։ Ավելի վաղ հաղորդվում էր, որ այս վնասվածքի պատճառով հարձակվողը բաց կթողնի ամբողջ խմբային փուլը։
