«Ինտեր Մայամիի» և Արգենտինայի հավաքականի հարձակվող Լիոնել Մեսսին պատմել է իր վերաբերմունքի մասին իր սահմանած ռեկորդների նկատմամբ։
Նրան հարցրել են՝ արդյոք իր համար նշանակություն ունի՞, որ 2026 թվականի Աշխարհի առաջնությունը կարող է վեցերորդը լինել։ Նախկինում պատմության մեջ ոչ մի ֆուտբոլիստ չի խաղացել աշխարհի վեց առաջնություններում։
«Ոչ։ Ես երբեք ուշադրություն չեմ դարձրել ռեկորդներին։ Հիանալի է ռեկորդներ գերազանցելն ու շարունակել հաջողությունների հասնել, բայց ես չէի գնա Աշխարհի առաջնություն միայն այն բանի համար, որ ասեմ, որ ունեմ վեց: Եթե ես մարզավիճակում լինեմ, ամեն ինչ կստացվի այնպես, որ ես հայտնվեմ մրցաշարում, հիանալի: Բայց ես այնտեղ չեմ գնա միայն այնտեղ լինելու համար:
Շատ դժվար է խոսել այն մասին, թե ինչ կարող է լինել, քանի որ դեռ երկու տարի կա: Ես պարտավորվելու և այո կամ ոչ ասելու կարիք չեմ զգում, քանի որ չգիտեմ, թե ինչ մարզավիճակում կլինեմ: Ես նաև չեմ ցանկանում ստիպել մարզիչներին և թիմակիցներին մտածել այն մասին, թե ինչ եմ որոշում ես»,- Մեսսիի խոսքերն է մեջբերում ESPN-ը։
